شعر: حمد خليفه بوشهاب أشوف في عينك (مشاريع وانهار) تسقي ورود ظْلالها من (جفونك) (في قلبك الجنّه وفي قلبي النار) ياليت حَرّ الوجد يصهر شجونك وياليت نَبْعٍ من حناياك (يمتار) يروي ظما قلبٍ عطش من فتونك أفتنتني واصْبَحْ بك القلب محتار (يا من إذا ناديتني قِلْت: عونك) أخشى على (قلبي من الحب ينهار) (وتخيب في صَبٍ يحبّك ظنونك) (أزهار قلبي تِنْضَحْ بطيب الاعطار) (واغتاظ يا سِيْد المَهَا من سكونك) الشِّعر بك مزنٍ على الطرس مدرار (يروي عن فْوادي سراير عيونك)