شعر: محمد بن راشد آل مكتوم في البيَان لاقيت من لاسمه صدى شاعرٍ يهوى المعاني والفنون
بو شهاب المبدع اللي أنْشَدا الشجر ويّا الحَجَرْ له ينصتون
كنت أظنّه تابعٍ درب الهدى وكنت أظنّه ناسي أيّام الجنون
واحسبه في ليلته يِتْهَجَّدا وثَرْه يقضي الليل في شوق وشجون
غَرَّني المسباح والمظهر بدا مظهر اللي يركعون ويسجدون
وكان في المكتب لها يتودّدا للزميله يرجي القلب الحنون
آه يا بو شهاب ما ابغي شاهدا شوف عيني وخفت ربعه يعرفون
وقمت أَأَشِّر له وهو عَنّي غدا ساهيٍ لاهي يطالِعْ في العيون
وللزميله نعتذِرْ ما يقصدا قلب شاعر فيه أيّام المجُون