شعر: حمد خليفه أبوشهاب رفع عن مسرح الصمت السِّتاره
زماني وانبرى يروي الحجايج
على نفس الوتيره في مساره
يسوقه في دروب الصّدق سايج
نواضح حب ممزوج بمراره
كِشَفْ عن سِر مضمون الوثايج
وعين الحبّ من ترفع شعاره
تَجَلَّتْ من نواضحها النّتايج
وَبَيّنْ ما خفى حرف العباره
وكشّفْ عن مداخيلٍ غلايج
يا ليته قَدَّمْ أوراق اعتذاره
ولا قطّعْ وثيقات العلايج
وليت أنّه تراجع عن قراره
وراعى للوفا طيب الوشايج
ولا رامى زمانه عن جساره
بسهم الكبريا بين الخلايج
حرام الودّ نِسْعَى في دماره
ونقبل فيه شَبَّابْ الحرايج
وساعات العمر مثل الشّراره
تشبْ وتنطفي لك في دجايج