شعر: عبدالله العويس يا مرعدٍ قلبي.. ترى القلب مذبوح ويا مبرقٍ ليلي.. ترى الشوف معماي قلت البعاد اشفاي ولك قلت مسموح ليت الشفا تلقاه وين انت مقصاي تمضي شهور ومدمع العين مسفوح واشوف حلمي في المواعيد منساي قلنا نداوي جرح وازدادت جروح واليوم نتحرّى عن دْواك وِدْواي مجرى اتّصال ارواحنا دوم مفتوح كذّاب واضْحَك لك من فْواد مدماي واظن مثلي.. شِدتْ من همّك صْروح تِضْحَك وفي خاطرْك ونّيت مبلاي تِتشتّت انفاسي ولا عاد لي روح والخاطر المكسور في الدار مرثاي قاسيت قبلك هم وتبيّن مْزوح واليوم بِعدك أكبر هموم دنياي