شعر: بخيت بن قريع المري ـ دولة قطر المراجل بحرها ما يغوصه كسول والرجال الصعيبه تاصل أصعب صعيب والمثايل تنصّى راس زحل الزحول المثل حان والفرصه لمثلي تطيب سقت قاف القصيده صوب ساس الفحول مجد يفخر به الطالب وفخر الطليب جيت أزف المثايل صوب بحرٍ ذهول من ملوك نهار الملتقى ما تهيب المثايل بصدري يابو راشد تجول فخرنا لا عوى ذيبٍ ونادى لذيب يا الامير المسمّى نعم معنى وقول سمعتك يفتهمها كل رجلٍ لبيب سَيّدي لك يغني كل ريم جفول وناعم الخد غنّى لك بصدرٍ رحيب سيّدي جعل عمرك يا المسمّى يطول وكل شيٍ يعكِّر صفو جوّك يغيب لو مدحتك نقصتك بس مدحي ينول الفخر لي وانا في مدحكم مستطيب الشواعير من مبدا سموّك تنول الفخر والحماسه والكرم يا رهيب