شعر: مبارك بن حمد العقيلي بالهون يا اللى بالجفا صَدّ عنا لا تَحْسِب أنّ الصدّق لى صد عنا لي عاد قلبي منك ما به هواجيس وش عاد لو لك طاري تصدعنا روض زها زهرْ وطابت مراعيه لا كنت ما ارعاه حاشا مراعيه خيره وشرّه والشّقا هَمّ راعيه يمسي بْطربْ والصّبح خلّه يعنّا ودرب عثربي ما ادوس الـ لياليه ولا اغوص بحرٍ ما احصّل لياليه وشهرٍ بلا مْعاش ما حْسِبْ لياله وعامٍ معاشي به انا به معنا وان عاشرت من للوفا غَير صالح تركه ترى ما لك بلا ماه صالح يا من يخضّ الماي ما هوب صالح والميت لي بدعيه ما يسمعنّا اتدور إبره في الدّجى بغير مصباح ضاعت عليك من اول العام مصباح هذا جنون وعقل الانسان مصباح دعها عسى ما راح ما يرجعنّا لي صاحبٍ ناديت بالنّثر واشعار قلت النزل لا ماك ويّاه واشعار صدّ وجفا ما كنّ له عقل وشعار داره تجنبنا وعنها ظعنّا وانا بميد ان القوافي جوادي سبّاق للغايات يدري الجوادي مامون م العثرات جيّد جوادي ما يلحقه في السّبق من له تعنّا