شعر: سلطان بطي بن مجرن نام غيري خالي البالي والتهيت بعقرب الساعه واليفون تقول زعّالي احلفن ما نلتقي ارباعه وانتظرت النوم ما يا لي لين بان الفجر وِشْعاعه من فراق الصاحب الغالي حرت بين الهم و وجاعه بو يدايل سود وِطْوالي والخدود بْروق لماعه فوق عينه خط لكحالي والحسن في طيّة اذراعه وان مشى له عود مَيّالي وان نظر بالحاظ قطّاعه لو يشوفه عابدٍ تالي التهى بالحب واسناعه قلت له يا طيّب الفالي وين قلبي فارق أضلاعه قال قلبك في حصن عالي في سجن (جالوت) واطماعه لف حوله قيد واحبالي والتزم في شوره وطاعه قلت له يا زين لوصالي ابْتَعَدْ والتف بلفاعه غاب عنّي ما رحم حالي لين خلا الروح جزّاعه ليتني أنساه أشوى لي والتهي باعمال وبياعه