شعر: صبور هلا باللى عيونه شوّقنّي وظنّي فيه دايم ما يخيب نديم ارضاي والاّ هاجرنّي خياله في عيوني ما يغيب أنا لى قلت له لا تمتحنّي على فرقاك موتي لي مثيب خذنّك نازحات البعد عنّي ليالي ما توفّي للطليب تذكّر وانت تذكر عمر سنّي وعمر اهْواك في القلب الصويب ولا تنسى حظوظٍ عاكسنّي وخلنّي بذا الحال الصعيب أطمّن بالهواجس خوف ظنّي وامنّي خاطري بانّك قريب أنا لولا هواك امْعَذبنّي صبرت وعنك صبري ما يثيب مراسيل المحبّه شاغلنّي ولا ادري وين قصدك يا الحبيب عسى منك العلوم ايفرحنّي وفالي في ملاقاتك يطيب