شعر: علي المطروشي يا قرين البدر, يا شِبْه الملاك يا عديل الروح يا جَرح السنين كل يوم ايمر يتجدّد غلاك في الحشى يا الخِل لك حصنٍ حصين يوم أفكِّر في تجنِّيك وْجِفاك تشتعل في الجوف نيران الحنين من كؤوس الهجر تَسقيني الهلاك ناحِلٍ جسمي ولا لي من يعين لو غصبت القلب يسلا ما سلاك وين عهد الحب يا المضنون وين لو بتتناسى وليفك ما نساك أمرضه هجرك وزادْ ابْه الونين يسأل الطير المسافر عن نباك كود علمٍ يَفْرِحْ القلب الحزين يا نظير العين روف بْأصدقاك لى على عهد المحبّه دايمين واذكر أيّامٍ قضيناها معاك ارتوت فيها قلوب العاشقين من عيونكْ من ودادك من حَلاكْ يا غضيض الطّرف يا الدّر الثمين إن طلبت الرّوح يا خِلِّي فداك أو بغيت القلب هو لك يا ضنين