شعر: عبدالله العويس وش لي أحبّك وارهن القلب عندك نومي زعلني وعندك يْبات مسبي بالفعل تتعبني تصاريف ودّك حتى اللقا ما يطفي أشواق حبّي ولا عاد يفرق قربك وطول بعدك في الحالتين أشتاق مبعد وقربي ولا يشاغل فكري إلاّ انت.. وحدك قالوا علامك: قلت ماخوذ نهبي واتذكّر الايّام من قبل وعدك ما كنت أظن يْكون مسكنك قلبي أنا بدربي وانت في درب سعدك أهنا هَنا الخالين واعد كسبي وتعدّدت لقياك وازدان وردك في العين واشوفك عن الناس حسبي واصبحت أشتاقك ولو كنت عندك وباموت عطشانك ولا اعَرْف ذنبي