شعر: رنين سيف ـ دبي ليش أحَسْ أنّي سفينه بْلا شراع والمراسي كل اثر فيها عفي مع وجوده أشعر بْكل الضياع وفي وجوده شي ناقصني خفي الفراغ بْداخلي صار المتاع ذاك زاد الروح والنبض الدفي ليل قلبي ودّعه ضوح الشعاع وكل نجمٍ عن دياجيره غفي أنا مع ها النفس والدنيا صراع في فوادي كل مَزْعٍ ما رفي لو قرب لي الحظ صابه لارتياع كل نورٍ كان به عنّي طفي أنا هَيّلت الحشف صاعٍ بصاع للسنين المقبله زادٍ يفي لى ذخرته في يدي تْناثر وشاع والذي أمّنت له ما هو وفي نبت قلبه بالغدر أيْنَعْ وفاع وزهر روحي بالوفا له يحتفي! كلّما مدّيت له بالصفح باع زاد وتمادى بغيّه مكتفي صرت أحِسْ أن الفجوج اللى وساع كم تتقرّب وتبعدني نفي ليش بس الطيّب بعرفه يباع ليش قلبه لْمن صفى له ما صفي