شعر: صبور لا تعتذِرْ مَنْت قد العذر يا خِلّي في عشق من لا قويت الصبر من دونه ولا تكسِرْ الغصن الاخضر عالي الظلّي مسقيه غيثٍ من الله سايق مْزونه شحّيت يوم الزمان بخير يا خِلّي واليوم شَح الزمان وكثرت دْيونه ما عاد يفرق قليل الشي والكلّي ثقل الرفاع وتساوت حيدي وْزونه ما كان ع البال ما قِدْ صار يحصل لي منك انت بالذات كيف آذوق المهونه يا اللى عن الشوق باشعارك تصورِّر لي ودّك وشوقك بحلم الطيف وِظْنونه لا تظلم الشوق وانته عنه متخلّي خَلّه لمن شاف وحي الموت بعيونه خَلّه لقلبٍ على الذكرى بك يْهَلّي يغنيه صبره ولا يطلبك المعونه