شعر: الأمير عبدالعزيز بن سعود آل سعود قِلْت للمعنى محمد دَلّلِكْ وادخلك في موج موجات الأثير قِلْ: حرام وولد راشد حَلّلِكْ قِلْ: يصير وما يصير!! وقِلْ: يصير من حصان الشيخ الاوّل حَوّلك العقيد الشيخ واسْرِعْ يا المغير بالإماره والفراسه كَمّلِكْ ما نقصكم لا قليل ولا كثير اسأله والاّ وقف لك يسألِكْ يا قصيدٍ فيه نقّاده يحير إن بغاك أطفاك والاّ فاشْعَلِكْ مثل مصباحٍ ينير ويستنير وكان بالمعنى علينا جَلّلِكْ يا حلو تصبح بعد مرٍ مرير وانت يا معنى القصايد من هَلِكْ هم هل المجد الرفيع اللى وثير أنْقَضِكْ بالشعِر معنى وافْتَلِكْ عند روح الشعِر لا قَر القرير سيّد دْهاة المراجل منهلِكْ محمد أهل (دبي) هذاك الشهير وقول لِمْعَانِدْ بَحَرْ يا مَهْبَلِكْ الصحيح أنّك في بو راشد غرير إن نشا مثل السحابه سَيِّلك بالمزاعم لا تثير المستثير إن عطاك الحبل مَرّه وامْهَلِكْ إنتبِهْ جَنّب عن الدرب العسير عن حماه اللى حمى روح أقبلك الإماره ما تطيب إلاّ لامير قبل ما بحمول سِفْر يْحَمِّلك أو في مربطك تصبح تستدير لو يبيك أرخى العَنان ونكّلك طِيْع شوري منه خَيّر واستخير لو يهزّك هَزّتينٍ خلخلك واودعك مثل السفا السافي تطير وان بغى نصّبك والاّ فاعزلك وقعّدك يا المعترض فوق الحصير وان بغى في هايج البحر أنطلك لا تحابر يا ولد رجلٍ حبير لو يبي بَرْوَزْ عليك وْشَكّلك وازرعك حَبٍ وسنبل بك شعير خَل عقلك من جنونك يرفلك واتْرِكْ أهل الطيب والشر الشرير ما حسبنا ارضاك والاّ لزعلك عندنا لعيونك العمي الذرير وكان به علمٍ بعيدٍ هل لك عقب منكر ما يشاوركم نكير شوف لك مخراج دربٍ علّلك درب واضح لا يشط ولا يعير أو دوِّرْ لك كفيلٍ يكفلك قبل ما يرميك حَظّك وسط بير قبل ما يقضي عليكم وِتْهَلِكْ خَدِّر أحلامك من الياس اتْخَدير