شعر:راشد شرار أستدرك الحرف لاجل أبيات مرفوقه للغير ما يوم مختاله ومَيّاله أبيات فيها مشاعر نفس موثوقه واحساس قلبٍ الهي كاشف أحواله سارت لعينك شرات السيل مدفوقه أنهار تجري بذوق الشهد سَيّاله يا ولد راشد لغيرك هوب مسبوقه إلاّ انت يا من سمت بافعاله رْجاله ما يعتلي المجد إلاّ وجيت من فوقه تعلا ويعلا وراك المجد منزاله والعز حصنٍ عليه أبواب مغلوقه وانته محمد خبير العز واقفاله نفوس ياما لنيل الفخر محروقه رماد تصبح وذاك الحلم ما تطاله إلاّ انت يا من يسير الفخر بعروقه ما تطلب إلاّ منال الصعب وتناله تطرق بفعلك دروبٍ هوب مطروقه ولا حد غيرك طريق الوعر يحلا له هذي فعايلك تغري الشهم وتشوقه لكن منزلك عالي كيف .. يرقى له ما يرفع القرم إلاّ فعله وذوقه ومن هو تميّز بذوقه تسمو أفعاله يا كم صبحٍ تبسّم باسمك شروقه ويا كم عودٍ رمى في ظلّك ظْلاله والشمس كنها على كفّيك مشقوقه ياما تجدّى عليها التايه الداله عِيش وتهنّى يا حلم الزين يا شوقه عسّاه فالك وانته دايمٍ فاله