شعر: نسمة الغروب يا نديبي فوق حيدٍ قوم سر أَوْصَل محمّد وخصّه بالعيون بلّغه منّي سلامي والخبر قِلْ قبلك كم ناسٍ يعشقون في المحبّه كم لاقوا من خطر يسهرون الليل والعالم سكون بو جسيم انته عليمٍ بالأمر صاحبك والله ما اظنّي يخون وافيٍ بالود من عهد الصغر من سلالَةْ قوم غالين الزبون ما يِعيضَهْ فيك حدٍ م البشر لا ولا يسلاك لو هم يعذلون بو يِديلٍ ضافيٍ فوقْ الخصر وانْ مشى ع الأرض يتمخطر بهون لى ضيا خَدّه شرى شَمْس العصر والسحر يمتاز به نور العيون هَيِّنٍ لو ذقت في شفّه سهر والهوى كلّه غرابيل وشجون كم قلنا عنه بانَصْبر شهر لا قِدْرنا وغيرِنا ما يقدرون يعل دارك م الحيا تسقى دهر لين يَنْبت نرجسي والزيزفون تمّت وصلّوا على سيد البشر سيّدي مولاي لى له يركعون