شعر: عبد الله بن سالم بن حزيم نزف التهاني والتحيّه خصوصيه تحيّه لبو راشد على طيّب أخباره تحيّه على نيل الشهاده الفخريه وعسى انّه بخير وكبّر الله مقداره نَهَنّي سموّه فردٍ أو جمع واهليّه تهاني كثيره والتحيّات تكراره ولى كرّموا شخصه يلى له أهميّه ولا غَلّط التكريم لى قام واختاره لانّه مجِد وللوطن مخلص النيّه ومن زرع زرعٍ لو تعب يجني أثماره نتابع أخبارك يوم تينا عموميّه ونفرح بها فرحة مضوّين البشاره وان جد علمٍ عنك والاّ طروحيّه قضاها سموّك نحن نتفاخر أفخاره والفكر والحكمه مواهب إلهيّه والله يعاطي كل واحد بمقداره خدمتوا بلدكم لين صارت حضاريّه من الطيب لى فيها لكل الدول جاره ولولا السياسه ما تصير اقتصاديّه ولا عاش شعبٍ والبلادين منهاره عميد الرياضه والأدب والفروسيّه في كل حفلٍ ماخذٍ كاسٍ أو شاره مثلك يلى من غاب يرجون له جيّه وان رد عقب مغوبته شرّف دْياره