شعر: عيسى بن علي المناعي - قطر سار اليراع بْملهمات الشرايد نظمٍ يخيله طيّب الراس قدّام نظمٍ يعدّى للذي له عوايد أبسط خصاله عندنا مثل الاحلام الجود يفخر به .. وتفخر قصايد سمح الحجاح .. الجارح .. الصارم .. الهام الشيخ .. شيخ بفعله ان جاك كايد ما هو بمن يلبس من الجوخ والخام أنا أشهد أنّك .. يا فتى الجود سايد في ماقفٍ فيه المطاليق جحّام لا جا نهارٍ بين داني ونايد يذهل لفعلك من حمى نقرة الشام وان جا نهارٍ .. فيه علمٍ محايد وان طب في سوق الشرف كل سوّام قلايعك قحص الرمك والفوايد خَلّيتها .. من شيمتك مثل الاكوام قرناس مجد .. وللنواميس صايد جَزّام .. عزّام .. معيدٍ .. ولَطّام يا حر .. يا طلق اليمين المزايد يا من بضفّه عاشوا أرحام .. وايتام اللى تطارخ نشرته بين الاعلام يا ليث .. لى حَلّت علومٍ جدايد حلّيت عقد حْبالها .. وانت جَزّام يا ريف من هو بهذلته الشدايد يا غيث من رزقه هبابه .. ومنضام هَدّاج تيما .. يا عزيز البدايد يا راس عيطٍ ذروته دين الاسلام لا رددوا روس الرمك للسنايد ترخي عنان العاديه بين حكّام وان دو عقوهن بالفلا لك طرايد صيدك سمين عْلومها يا ابن الاكرام ينصاك من هو ضعضعته العقايد يدري ليا مِسْ الحقب .. فانت غَرّام يا سيف .. ما سبكه بسبك الحدايد اللى نشا في كم (راشد) من أعوام أبوك .. مجدٍ بين الاعلام شايد وامّك .. بلادٍ دونها قطف الانسام جابوك يا راع العلوم الفرايد يا ضافيٍ بالمرجله لين الاكمام يا هليعي .. يا عادلٍ كل مايد ملجا قرومٍ .. بين فارس .. ومقدام يا شوق غرياف البني الخرايد اللى سرق حسن الخلايق والاريام محمودٍ أسمك (يا محمّد) وفايد باسمك يماري من غدا حظّه أولام للكل مجد .. ومجدكم ذا وكايد وش عاد وان تعبت لكم كل الاقلام في مدحكم كم هللنّ النشايد فعلك .. مدح فعلك ولا كان ظّلام جيتك .. وانا كلّي شرف .. ثم عايد قصد السلام .. وعزكم دام قدام