شعر: الأمير عبد العزيز بن سعود آل سعود تستاهل أكثر من عظيم الشهادات بالطيب والاّ بالحكم والسياسه شهادتك من راس عودٍ لكم مات (الياسي) اللى قام به عِز ياسه وشهادتك يا شيخ ما هيب مشهاة كم واحدٍ من دونها ضاع باسه تقضب عنان النافره بالمهمّات يا ماخِذٍ كاس الفخر والحماسه أنا أشهد أنّك مجد لاعلى الدرجات المجد مجدك وانت غالي لباسه لك عاصياته مقبلاتٍ مطيعات والوقت للعَيّال صعبٍ مراسه تخيّروك أهل العقول الفهيمات لْعلمٍ على كل الملا خَذْت كاسه هذا اختيارٍ حي ما هو خيارات فارس وراسك فيه بيت الفراسه تجني ثمار أفعالك اللى حميدات وطيب الرجل قِدْ قيل من طيب راسه المجد لك يوم المراجل صعيبات تاخِذْ وفاه بحد رمحٍ وطاسه على ظهور الخيل يوم المثارات وتخيّروك اليوم لاعلى المقامات كم واحدٍ تسقيه كاس التعاسه عالي مقام ومنبع الطيب ساسه