يَا خَوْفِيْ أنْسَى وِفَاكْ.. وْلا اقْدَرْ أتْذَكَّرْ
الْوَقْت غَلاَّبْ.. يَا خَوْفِيْ مِنْ الْآتِيْ
مِثْلِيْ مِنْ الْمِسْتَحِيْل وْصَعْب يِتْنَكَّرْ
لكَنّ عَصْف الزِّمَنْ بالذَّاكره عَاتِيْ
خَايِفْ عَلَى الْجَدْوَلْ الرِّقْرَاقْ يِتْعَكَّرْ
وْتِكْبَرْ مَعْ الْوَقْت مِنْ خَوْفِيْ مَعَانَاتِيْ
مِنْ غَبْنِتِيْ ضَاقْ صَدْرِيْ لَيْن مَا سَكَّرْ
وِمْن الْحِيَا كِلّ يَوْم آمُوْت سَكَّاتِيْ
إنْ شِفْت جِفْنِيْ عَلَيْك وْطَرْفِيْ مْسَكَّرْ
عَلَيْك خَايِفْ مَعْ انِّكْ سَاكِنْ بْذَاتِيْ
آجَارِيْ الشّّهْد بِكْ وَآمَارِيْ السِّكَّرْ
وَانْزِلْ بِشَطّ الْكِحِلْ وَآقَضِّيْ أوْقَاتِيْ
أتْبَادَلْ وْيَاكْ بَوْح الرُّوْح وَاتْفَكَّرْ
كَمْ تِنْظِلِمْ فِتْنِتِكْ مِنْ أجْمَلْ أبْيَاتِيْ
نَوْد الصِّبَا مِنْ تِشَرَّبْ طِيْبِكْ وْبَكَّرْ
نِثَرْك عِطْرٍ عَلَى كِلّ اتِّجَاهَاتِيْ