شعر: عوض النعيمي

ظروف الْوَقْت

ت + ت - الحجم الطبيعي

أعَانِيْ وِالِّذِيْ مِثْلِيْ يِعَانِيْ

                    دَهَانِيْ مِنْ زِمَانِيْ مَا دَهَانِيْ

وْ لا طَاعَتْ ظرُوْف الْوَقْت تِسْمَحْ

                    تِسَاعِدْنِيْ وْتَعْطِيْنيْ أمَانِيْ

وَانَا يَا كَمْ هِمُوْمٍ حَاصِرَتْنِيْ

                    تِجِيْ وِتْرُوْح مِنْ قَاصِيْ وْ دَانِيْ

أسُوْق الرِّجْل والْخِطْوه ثِقِيْلِهْ

                    وَانَا لا زِلْت قَاعِدْ فِيْ مِكَانِيْ

وْحَظِّيْ يَوْم عَانَدْنِيْ لِقَيْتِهْ

                    ألَدّ اعْدَايْ وَاقْسَى مِنْ كِوَانِيْ

وْ يَا رَبِّيْ دِعَيْتِكْ وِانْت تِعْلَمْ

                    بِهَمِّيْ قَبل مَا يَنْطِقْ لِسَانِيْ

وْمِنْ غَيْرِكْ يفَرِّجْهَا عَلَى اللَّى

                    فِقَدْ كِلّ الْوِسَايِلْ والْمَعَانِيْ

إلهِيْ يَا مَلاذْ اللَّى شِكَى لِكْ

                    أنَا عَبْدِكْ وْ لا لِيْ عَوْن ثَانِيْ

Email