شَمْس الْعِمِرْ

فِيْ مِرْقَبْ الْعِزّ الْمِنِيْف
              عِمْرِيْ مِضَى دَمّ وْ عَرَقْ
وِ الْوَجْه فِيْ الْوَقْت الشِّظِيْف
              حِفَظْت مَاهْ.. وْ لا انْهَرَقْ
آصَارِعْ الْيَمّ الْعَنِيْف
              وَ ارْيـــِلْ عَلَى فَمّ الْغَرَقْ
مَوْج الزِّمَنْ مَوْجٍ مِخِيْف
              أبْيَضْ زِبَدْ وَ اسْوَدْ أرَقْ
عَلَى احْتِمَالاتْ الرِّصِيْف
              وَاقِفْ بْرَاسْ الْمِفْتَرَقْ
أشْبَهْ شِجَرْ فَصْل الْخَرِيْف
              تِتْسَاقَطْ سْنِيْنِيْ وَرَقْ
يِبْس الْغِصِنْ بَعْد الْحِفِيْف
              تَحْت الْقِوَايِلْ.. وِ احْتَرَقْ
مَا عَادْ لِيْ ظِلٍ وِرِيْف
              الظِّلّ وِ الْحَالْ انْسَرَقْ..!
شَمْس الْعِمِرْ خَجْلَى تِهِيْف
              وِالْبَدِرْ فِيْ الْعَتْمه شَرَقْ