العد التنازلي لإكسبو 2020 دبي

    شعر: ماجد بن غليطة

    الإسْلُوب الرَّاقِيْ

    بَاعْطِيْك قَلْبِيْ وْ دَوِّرْ دَاخِلْ أشْوَاقِيْ

                        يَمْكِنْ تِشُوْف الْغَلا وِشْلَوْن ذَابِحْنِيْ

    أمُوْت فِيْ ضِحْكِتِكْ وِ اسْلُوْبِكْ الرَّاقِيْ

                        وْ جَمَالِكْ اللَّى مْجَنِّنْك وْ مِجَنِّنِيْ

    أعْطَيْتِكْ الْحِبّ وِ الإحْسَاسْ وِ الْبَاقِيْ

                        اللَّهْفِهْ اللَّى عَلَى لِقْيَاكْ تَسْبِقْنِيْ

    بَاذَوِّقِكْ مِنْ حَلايْ وْ طَعْم تِرْيَاقِيْ

                        وْ بَاعَلِّمِكْ كَيْف تِكْرَهْنِيْ.. وْ تَعْشِقْنِيْ..!

    يَا جَامِعْ اللَّيْل فِيْ وَجْهِكْ وْ الاِشْرَاقِيْ..!

                        تِنَاقِضَاتِكْ هِيْ اللَّى فِيْك تَعْجِبْنِيْ

    ذَوْقِكْ فِــــــــــــــ .. عَيْنِيْ يِسَاوِيْ كِلّ اْلاَذْوَاقِيْ

                        وْ غَلاكْ عَنْ وَصِلْ غَيْرِكْ صَارْ يِمْنَعْنِيْ

    وِ الْحِبّ فِــــــــــــــ .. عْيُوْن عِشَّاقِكْ وْ عِشَّاقِيْ

                        شِعُوْر أشُوْفه يِرَاوِدْك.. وْ يِرَاوِدْنِيْ

    طباعة Email