النَّوح المتشابه

إنْتِهْ تِسَاوِيْ رُوْحِيْ

             مَا ارْضَى فِيْكُمْ عِتَبْ

وْ لا أسْمَعْ لِلنِّصُوْحِيْ

             لَوْ نِصْحِهْ مِنْ ذَهَبْ

غَنَّى حِمَامْ الدَّوْحِيْ

             مِغْرَمْ وِ الاَّ طَرَبْ

نَوْحه يِشَابِهْ نَوْحِيْ

             فَرْقَاهُمْ لِيْ تَعَبْ

شَكْل الْعَاشِقْ فِضُوْحِيْ

             وَيْه اصْفَرْ مِكْتِئِبْ

يَا لَيْت عِنْدِيْ جْنُوْحِيْ

             وَ آطِيْر وَيْن آحِبّ

بَاقْطَعْ فَلا وِ سْيُوْحِيْ

             بَاوْصَلْ لَوْ هُوْ صَعِبْ