ماعرفت اليوم بعدك وش اقول
وجرح قلبي يا غناتي م اندمل
كم رجيتك شوف للقيا حلول
وانت تقطع لي رجايه و الأمل
صرت مثل الطفل في امرك عجول
والطفل في رد فعله ما صمل
شفت ميزان العداله به ميول
والجزا ما كان من جنس العمل
في ظلام الليل تسرج لك خيول
و تهجر و تبعد و حلمي م اكتمل
طعت شور الجهل أو أهل الفضول
وقلبك القاسي تناسى و احتمل
طحت من رميتك صايبني ذهول
لو ف سهمك سم غيرك اشتمل
والمثل معروف يا ابن الأصول
تكثر الطعنات ان طاح الجمل