لبيك يا علم

جينا نلبَّي هالعلم ونذودْ عنَهْ

فوقَ السحاب بكل روحٍ نرفعَهْ

 

من زايدْ الي كان منّا وكنَّا منَهْ

كان العزمْ وبالعزمْ حنَّه نتبعهْ

 

نلبي خليفهْ الخير بمحبهْ لأنَهْ

بالخير خلّى الدنيا كلْها تسمعهْ

 

نلبي أبا راشد بروحٍ مطمئنهْ

اللي حلمْنا بالإرادةْ يصنعَهْ

 

نلبي أبا خالد وما نخيبلا ظنَهْ

حامي الحمى والمجد بيدهْ أبدعهْ

 

فرسان أنتم للعلم.. والأرض جنَهْ

صنَّاع مجدْ وحلم ماحدْ زعزعهْ

 

يوم العلم صار بقلوب الناس سنهْ

بلوانهْ قلوب البشر متجمعَهْ

 

رافعينك ياعلم أهل الأعنهْ

مجدك على المريخ في غدْ نزرعهْ

 

صانعين الإتحادْ من غير منّه

يا علم إنت المجد من مطلعهْ