نَزْف قَلْب
ت + ت - الحجم الطبيعي
فِيْ الْوَرَقْ مِنْ لَيْلَةْ الْفَرْقَي وْدَمْع المسْرَى
مِثِلْ مَا فِيْ الْقَلْب مِنْ نَزْفِيْ وْحِزْن أحْبَابي
إنْ تِجَاهَلْت انتظاري والسِّنِيْن الْغَبْرَا
مَا تِحَمَّلْت انكساري في عيون أصْحَابي
كيف أغِضّ الطَّرْف عن طاري الْجِفَا والذِّكْرَى
دام كل الذِّكْرِيَاتْ مْعَلِّقه بَاهْدَابي؟!
ما مضَى غير الأماني والحظوظ الْقَشْرَا
وْمَا بِقَى غير الجروح الْمُوْجِعِهْ وِعْتَابي
إنْتِيْ ألْطَفْ من تفاصيل الهوى يا (بِشْرَىْ)
وِانْتِيْ أغْلَى مِنْ وِقَفْ بَيْنِيْ وْبَيْن غْيَابي
كِلّمَا اكْتِبْ عَنْك وَاتْخَيَّلْ عِيُوْنِكْ تِقْرَا
انْشِطَبْ فِيْ قِمَّةْ حْضُوْرِكْ حديث اعْجَابي
أعْشَقِكْ يَا رَجْفَةْ الْبَارِحْ وْلَهْفَةْ بُكْرَى
وَاخْتِصِرْ فِيْ ضِحْكِتِكْ عِمْرِيْ وْعِمْر أحْبَابي
