امْتِحَانْ الْحَيَاةْ
ت + ت - الحجم الطبيعي
الْمَجْد يَطْلِبْ رِجَاله عِنْد أحْلَكْ مكَانْ
وَانَا عِجَزْت آصِلِهْ والدَّرْب جِدَّاً طويل
وِدِّيْ بتارِيْخ يبْقَى لِيْ بطول الزّمان
مَا هِيْ بقصَّة خليلٍ ساهر ٍ مَعْ سهيل
يكْبَرْ بعَيْن الكبير وْمُوْل ما يِسْتَهَانْ
وْتَحْكي الْعَرَبْ سالفتها وْتِقْتِدِيْ بِالْمِثِيْل
طموحي أنِّيْ أحَقِّقْ شَيّ مَا يَوْم كان
وان ما يقولوا كثيرٍ ما يقولوا قليل
هذا وَانَا ادْرِيْ بأن كِلّ شَيّ يا اخوك فان
والباقي الرَّبّ مَوْلاي الْعَلَيّ الجليل
عِمْر إبْن آدم سنين وْهَالْحَيَاةْ امتحان
يَا قِلّ عَدّ السنين أيَّامْ مَرَّتْ وْلَيْل
أسَخِّرْ الشِّعْر لاَغْرَاضِيْ وْحَرْفي عنَانْ
وانا اعْرِفْ الشِّعْر وَاغْرَاضه فِـ (بَحْر الخليل)
