مِصْبَاحْ الأمَانِيْ

كَسَّرْت مِصْبَاحْ الأمَانِيْ.. وْبَرَّقْت..!!

أثْر العمَى يا نَفْس مِنْ نُوْر مِصْبَاحْ..!!

 

جِدِيْد، مَانِيْ يَابِس ٍ لِكْ، وْوَرَّقْت

وَرَّقْت طِفْل ٍ لِهْ مَرَاجِيْح وِصْيَاحْ

 

أدْرِيْ تَبِيْنِيْ قْرِيْب مِنِّكْ بِهَالوَقْت

بَسّ الْمِصِيْبِهْ الْيَوْم فِيْ الْكَفّ مِسْبَاحْ!!

 

حَاوَلْت أجَرِّبْ قَلْبِيْ بْكِلْمَةْ (اشْتِقْت)

وِلْقِيْت صَدْرِيْ كِلِّهْ أشْوَاكْ وِجْرَاحْ

 

مَا هُوْ مِهِمّ انِّكْ خِدَعْتِيْ وْ صَدّقْت

أهَمّ حَاجِهْ قِمْت وِضْلُوْعِيْ جْنَاحْ

 

عَلَى بِصِيْص النُّوْر لكنِّيْ أشْرَقْت

وِالْحِيْن أنَا فِيْ وِحْدِتِيْ نَاسْ وَارْوَاحْ

 

أغْلَقْتِه وْأغْلَقْت وَاغْلَقْت وَاغْلَقْت

وِالْبَابْ لِكْ يَا بَحْر.. لِكْ كِلّ مِفْتَاحْ

 

تَدْرِيْن وِشْ هُوْ اللَّى لِزَمْني.. وْبَرَّقْت؟

شَلَعْت قَلْبِكْ مِنْ وِرِيْدِيْ.. وْ مِرْتَاحْ!!

 

تابعوا فكر وفن من البيان عبر غوغل نيوز