الحب الكبير

فَضَّلْت تِبْقَى فِيْ حَيَاتِيْ صديقي

فِيّ ارتباطي ما تراخِيْه الايَّامْ

أتْقَصَّدِكْ لَى زاد هَمِّيْ وْضِيْقي

واتْقَلَّدِكْ في راحَةْ أيَّامي وْسَام

وْسَمَّيْتِكْ الحبّ الكبير الوثيقي

اللى معي يبقى على طول الاعْوام

قَرَّبْتِكْ أكْثَرْ مِنْ موَاصَلْ شقيقي

وفَرَّعْت حِبّك فِيْنِيْ أصْنَافْ واقْسَامْ

وْغَرَّقْتني وانْجَيْتِنِيْ يا غريقي

وصَحَّيْتني في عَالَمْ الحِلْم بَاحْلام

واصْبَحْت من بَعْد الصداقه عشيقي

غَرَامْ مِتْوَهِّجْ وآهات وِهْيَامْ

هذا الْغَلا هذا الغرام الحقيقي

اللى يلمِّحْ لي بحِبّه من العام

واللي مشيته لين غَيَّرْ طريقي

يَرْسِمْ تباشير الْفَرَحْ دَوْم قِدَّامْ

هذا شحوبي لا وهذا بريقي

الصوره اللَّى تغفي هْنِيْه وِتْنام

يزيد نَبْض القلب وِيْجِفّ رِيْقِيْ

والروح ترْفَعْ له شِعَارَاتْ واعْلامْ

يرمي تَعَبْ وَجْهِيْ ويجْمَعْ رحيقي

عِنْده على حِسّي عِبَارَاتْ والهام

واليوم دَمْعي وانْهِيَارِيْ وْضِيْقي

مِنّه عَلَيْه وْمِنّي أكْوَامْ واكْوَامْ

لَيْت الدوا يَبْري الجراح العميقي

اللي تراوح بي على ايْدَيْن ظِلاَّمْ

يزيد نَوْحي وِيْتِلاَهَبْ حريقي

وافْصِلْ عن الواقع بمَيْلاتْ الاوْهَامْ

ما عاد تنْفَعْ للصّداقه صديقي

هَيْكَلْ علاقتنا بقايات وِحْطَامْ

وَدَّعْتِكْ الله يا الغرام الحقيقي

رَغْم اختلاف الحال وِجْروح وآلام

comments powered by Disqus
خدمة RSS LinkedIn يوتيوب جوجل + فيسبوك تويتر Instagram
متوفر في App Storeمتوفر في Google Play

الأكثر شعبية في عبر الإمارات

اقرأ أيضا

اختيارات المحرر

اشترك الكترونيا