جنود الوطن
تــتــشــابـه الأيـــام والــيـــوم ذَا غــيـــر
فــخـــرٍ وعِـــــزّه وانــتـصـــــار وريــاده
وان هزّت الغصن الخضر نسمة عصير
الــشــــاعـــــر تهـــــزّه محـبــــة بـــلاده
عـســى قــوافـي هاجـس الشاعر تسير
الـيـن يــبــلــغ بـالــقــــوافــــي مــــراده
ويــصـبـح لـهـا بـيـن الجـمـاهـيـر تقديـر
فـــي الـبـــث والاّ عـنـــد وقــت الإعــاده
والـى حـصـل مـنّـي يـاجـمـهـور تقصير
الــمنــتــقــد يــا مـرحــبـــا بانـتــقــــاده
حـنّـا عـيـال الـشـيـخ زايـــد هـل الخـيـر
وأهــل الحٓــســم للــي مـطـــوّل عـنــاده
لـنـا علـى كـوكـب هـل الأرض تأثــيــــر
والشـعـــب يـبــلـغ غـايـتــه باجـتــهـاده
فــي خـــدمــه لــدولة طـوال الأشـابـيـر
مـن شـعـبـنـا فـيـهــم صــمــود و إراده
لـو نـطـلـب اللـي فـي المـهـد توّه صغير
يـشـارك، يـشـارك وهـو فــي مــهــاده
مـحــدٍ يــقــــدّم دون داره مــعـــاذيــــر
حـتـى يـجـيـب الـنـصـر والاّ الـشـهـاده
وأحـمـد بـن مـحـمـد حـبـيـب الجماهير
كـسـب الـتـحــدّي يـعـتــبـر فـيــه عـاده
مـاهـي غــريــبـه يـوم قــاد الـطــوابـيـر
شــيــوخ داره هـم شــيــوخ الـقــيـــاده
والـشـعـب دون الدار مـافـيـه تـأخــيـــر
كـذلك أصـحـاب الـسـمـو والــسـعــادة
